Каталіцкі Веснік

25 кастрычніка адбылася значная падзея для ўсяго Касцёла ў Беларусі. У гэты дзень у Ерусаліме была асвечана табліца з малітвай “Ойча наш” на беларускай мове. Мерапрыемства прайшло ў касцёле Pater Noster, куды прыбылі паломнікі з Беларусі. Храм Pater Noster вядзе сваю гісторыю ад IV стагоддзя, калі спыніўся пераслед хрысціянаў у Рымскай імперыі. Цягам гісторыі касцёл зведаў на сабе разбурэнні і аднаўленні. У 614 годзе быў зруйнаваны персамі, пазней адбудаваны рыцарамікрыжакамі і зноў панішчаны ў 1187 г. падчас крыжацкамусульманскіх войнаў. Год 1345 стаў для святыні наканаваннем. Яна была канчаткова зруйнаваная. Аж пакуль у 1872 г., дзякуючы фундатарству французскай прынцэсы Аўрэліі дэ Босі, не была адбудаваная разам з кляштарам сясцёр кармелітак.