Народная Воля

Два з паловай месяцы спатрэбілася Вярхоўнаму суду Беларусі, каб паставіць коску ў гэтай фразе і кропку ў жыццях двух маладых людзей. Судовы працэс над Дзмітрыем Канавалавым і Уладзіславам Кавалёвым, якім інкрымінавалі здзяйсненне шэрагу цяжкіх злачынстваў, у тым ліку выбуху на Дзень Незалежнасці ў Мінску ў 2008-м і тэракта ў сталічным метро 11 красавіка бягучага года, пачаўся 15 верасня. І вось вердыкт агалошаны. Згодна з прыгаворам суда, віна Канавалава і Кавалёва даказана. Для абодвух хлопцаў вырак аднолькавы. Расстрэл... У дзень вынясення прысуду актавая зала Дома правасуддзя была перапоўнена — сваякі загінуўшых, пацярпелыя, сведкі, праваабаронцы... Дзяжурылі ў зале і медыкі.