Дуброўскі настрой

Філантропы й альтруісты. У № 107 наш лісток пісаў пра цяжкае становішча, у якім апынуўся наш зямляк, цяпер ужо нябожчык, царства яму нябеснае, Мікалай Дайнека. Цяжка хворы, без сродкаў да існавання, без сям”і, адно з непаўналетнім сынам-школьнікам. .. Можна толькі ўявіць, што было на душы ў мужчыны. I вось калі ягоны сын папрасіў ў адзінай бачнай яму і, як падавалася, дасяжнай арганізацыі, прафсаюзе дапамогі, яму адмовілі. Сапраўды, куды зьвярнуцца чалавеку ў бядзе? Дзе філантропы? Адмовілі без спачування і спагады, на падставе літары статуту, забыўшы дарэшты пра асноўную гуманную ролю гэтай арганізацыі. Відавочны факт: камунізм пакінуў нам у спадчыну зьлягчанае грамадзтва.