Кніганоша

Сяржук Вітушка стаў вядомы як лідар суполкі «Талака», якая займалася аховаю ды адбудоваю помнікаў гісторыі і культуры. І ён застаўся па сваёй натуры «талакоўцам» назаўсёды, і надалей усе ягоныя дзеянні і памкненні скіраваныя, як казалі нашы продкі, pro publico bono, дзеля дабра супольнасці. І, калі ў сілу розных, не дужа вясёлых абставінаў, ён не змог займацца дзейнасцю грамадскай, то вырашыў быць карысным прынамсі сціплымі казачкамі. Менавіта «карысным» – бадай што ніводная казка не напісана для таго, каб проста забаўляць, кожная проста перанасычаная «вітамінамі», якія, на думку аўтара, неабходныя, каб дзіця вырасла тым, хто пафасна завецца «патрыётам сваёй Бацькаўшчыны».