Дзедзіч

Расея распараджаецца Беларуссю, як Краснадарскім краем. Наша краіна ізноў становіцца арэнай для высвятлення адносінаў паміж Расеяй і Захадам. Чаго гэта каштавала беларусам у мінулым, можна прачытаць у падручніках гісторыі. У выпадку зрыву перамоваў з ЗША па праблеме ПРА Расея можа разгарнуць комплексы «Іскандэр» у Калінінградскай вобласці, Беларусі і Краснадарскім краі. Пра гэта паведаміла агенцтву «Інтэрфакс» вайскова-дыпламатычная крыніца ў Маскве. «Іскандэры» раней планавалася размясціць толькі ў Калінінградскай вобласці. Цяпер разглядаецца магчымасць размяшчэння гэтых комплексаў у Беларусі і Краснадарскім краі. Гэта дасць магчымасць парыраваць пагрозы стратэгічным ядзерным сілам Расеі ў выпадку разгортвання элементаў ПРА ЗША паблізу нашых межаў», — сказала крыніца.