Лабірынт

Доўгі шлях да Беларусі…. 29 красавіка Міколу Іванавічу споўнілася б 90 гадоў. Мог дажыць, але не дажыў, на вялікі жаль. Безумоўна, у яго былі яшчэ планы, і ѐн меўся дайсці да сваѐй Беларусі і прывесці да яе ўсіх нас. Думаецца, ягоны гісторыка-даследчыцкі і пісьменніцкі шлях палягаў бы наперад ад тае ―станцыі, дзе ён прыпыніў сваю асветна-месіянерскую дзейнасць... І тут няма ніякага перабольшання наконт месіянерства Ермаловіча, бо ён – і ёсць сапраўдны апостал нашай гістарычнай праўды. Той самай праўды, якая для большасці беларусаў была схавана за сямю замкамі. Той праўды-крыўды, якая за апошнія два стагоддзі была шматкроць панявечана, абылгана і прыніжана. Даследаваўшы і апісаўшы гісторыю беларускай сярэдневечнай дзяржавы – Вялікага княства Літоўскага, ён вярнуў нам не толькі памяць, але і гонар і веру нашу.