Бібліяпанарама

18 снежня 2003 г. калегія ўпраўлення культуры Брэсцкага аблвыканкама прыняла пастанову №36 «Аб выніках абласнога конкурсу на лепшы матэрыял з вопыту работы бібліятэк-філіялаў раённых ЦБС», які доўжыўся на працягу 2002 – 2003 гг. Рубрыка «Майстар-клас» сённяшняга выпуску «Бібліяпанарамы» змяшчае матэрыялы-пераможцы гэтага конкурсу. Тут, у «БП-8», вы знойдзеце першыя чатыры матэрыялы, аўтары якіх занялі 1-ае, 2-ое і 3-е месцы. Гэта ілюстраваныя артыкулы: з вопыту работы Любашаўскай сб Ганцавіцкай РЦБС «Месца сустрэчы – клуб «Дамавічок» – аўтара Пупач Галіны Мікалаеўны (1 месца); з вопыту Стрыгінскай сб Бярозаўскай РЦБС «С верой в успех» – Драган Алы Уладзіміраўны і творчага калектыву РЦБС (2 месца); з вопыту Дзівінскай сб Кобрынскай РЦБС «Ведаць, памятаць, захоўваць» – Галавейка Таццяны Аляксееўны (3 месца); з вопыту лялечнага тэатра «Теремок» пры Чарнаўчыцкай сб Брэсцкай РЦБС – Марозавай Элы Юр’еўны (3 месца). Наш каментарый паводле публікацыі на старонках «БП» таго ці іншага адзначанага матэрыялу – глядзіце напрыканцы матэрыялу. Мяркуем, што наступны выпуск, «БП-9», змясціць у сабе іншыя конкурсныя матэрыялы, якія, на нашу думку, заслугоўваюць вашай увагі.