Бібліяпанарама

Шаноўныя калегі і прыхільнікі “Бібліяпанарамы”! Перад вамі трэці, чарговы выпуск нашага інфармацыйна-аналітычнага выдання. І вы можаце ўбачыць, што воблік і змест “Бібліяпанарамы” з кожным разам пераіначваюцца,замест некаторых былых з’яўляюцца іншыя рубрыкі. Вось і ў гэтым выпуску вы прачытаеце матэрыялы як у традыцыйных рубрыках: “Бюро інфармацыі”, “Майстар-клас”, “Жаданы госць”, “Прыміце нашы віншаванні”, так і ў новых: “Пасля балю…”, “Шляхамі дальніх вандраванняў”, “Хто ёсць хто ў абласной бібліятэцы?”. Прычым, пры ўважлівым вывучэнні надрукаваных артыкулаў можна заўважыць, што большасць з іх не толькі інфармуе ці распавядае аб бібліятэчных праблемах, напрацоўках і набытым вопыце, але і заклікае да палемікі, дае магчымасць прадоўжыць тэму ці прапанаваць да абмеркавання іншую. Такім чынам, мы з вамі сёння, як і заўсёды, знаходзімся ў творчым пошуку. А таму спадзяемся на плённае супрацоўніцтва бібліятэк у новым стагоддзі і неўміручасць бібліятэчнай справы ў надыходзячым тысячагоддзі! Аддзел бібліятэказнаўства.