Славянскі пярэдадзень

Рышард Курыльчык – вядомы не толькі ў Польшчы пісьменнік, аўтар незвычайных гістарычных раманаў і аповесцяў, якія ў сціслай форме ахопліваюць вялізныя часавыя і тэрытарыяльныя абшары гісторыі. У яго творчасці пераважаюць стрыманасць формы і прымат зместу. Ён шукае адказу на шматлікія загадкі гісторыі, над якімі б’юцца даследчыкі розных эпох. Аднак робіць гэта не толькі на грунце гістарычных звестак, але і па-мастацку займальна. Нездарма ў Польшчы яго называюць апошнім з магікан у галіне гістарычнай прозы. А нарадзіўся Рышард Курыльчык 18 мая 1945 годзе ў в. Дзедзіна на нашай Браслаўшчыне. Аўтар гістарычных кніжак “Сакрэтныя архівы караля каралёў”, “Ерусалім, Ерусалім”, “Апошні апостал”, “Папа”, “Нязломны з Назарэта” і інш. Беларускаму чытачу ўпершыню прапануецца пераклад на родную мову аповесці “Славянскі пярэдадзень”.