Рух за Свабоду

Рухаўца зрабілі палітвязнем. 20-гадовы Мікіта Ліхавід асуджаны на 3 з паловай гады калоніі ўзмоцненага рэжыму за Плошчу 19 снежня. Хлопец будзе падаваць касацыю ў Вярхоўны суд, а ў выпадку яе незадавальнення наважаны абвесціць галадоўку. У судовым працэсе бралі ўдзел ажно тры дзясяткі пацярпелых спецназаўцаў! І ніводны з іх не выказаў прэтэнзій да актывіста Руху “За Свабоду”. Па словах маці Мікіты Алены Ліхавід, нават яны былі ўражаныя суворасцю прысуду. “У мяне, вядома, была надзея, што прысуд будзе хаця б умоўны, бо і расейцы са штра­фамі выйшлі, і Мядзведзь. Бяда ў тым, што ў майго дзіцяці беларускі пашпарт. Так атрым­ліваецца, што калі зараз адпусціць майго Мікі­ту і вынесці яму апраўдальны прысуд, тады трэба адпускаць усіх, спыніць усе судовыя справы, спыніць пераслед, арышты...”, – заяві­ла кабета ў інтэрв’ю радыё “Свабода”.