Крывія

Зварот да міністра юстыцыі Чэхіі ў справе Ларысы Геніюш. З нагоды 100-гадовага юбілею славутай беларускай пісьменьніцы Ларысы Геніюш, які адзначаецца ў гэтым годзе, прадстаўніцы беларускай суполкі “Скарына” (Прага, Чэхія) – Рыта Гаціх, Алена Каварава і Вольга Дудко – 5 лютага зьвярнуліся з сымбалічнай просьбай да міністра юстыцыі Чэскай Рэспублікі Даніэлы Каваравай (Daniela Kovářová). Беларускія жанчыны просяць спадарыню міністра адмяніць рашэньне суда ў Піску, згодна з якім сям’ю Геніюш дэпартавалі за межы Чэхаславацкай рэспублікі. Заява была прыхільна сустрэта спадаром Росыпалем (Rosypal), памочнікам Даніэлы Каваравай.