РУХ у Еўропу

Еўрапейская канвенцыя па абарон правоў чалавека і асноўных свабод, якая ўступіла ў сілу 3 верасня 1953 г., не толькі абвясціла асноватворнымі правы чалавека, але і стварыла адмысловы механізм іх абароны. Еўрапейскі Суд па правах чалавека месціцца ў Палацы правоў чалавека ў Страсбурзе (Францыя), дзе знаходзіцца і сама Рада Еўропы. Паводле першапачатковай сістэмы ўсе скаргі, пададзеныя індывідуальнымі заяўнікамі ці дзяржавамі – удзельніцамі Канвенцыі, станавіліся прадметам папярэдняга разгляду Еўрапейскай Камісіі па правах чалавека. Яна разглядала пытанне пра іх прымальнасць і пры дадатным рашэнні перадавала справу ў Еўрапейскі Суд па правах чалавека для прыняцця канчатковага рашэння. Калі справа не перадавалася ў Суд, яна вырашалася Камітэтам міністраў. З 1 кастрычніка 1994 г. заяўнікам было прадстаўлена права самім перадаваць свае справы ў Суд па скаргах, прызнаным Камісіяй прымальнымі.