РУХ у Еўропу

Еўрапейская камісія – вышэйшы орган выканаўчай улады Еўрасаюза. Адказвае за выкананне рашэнняў Звяза, кантралюе выкананне яго законаў у краінах-чальцах і, калі патрабуецца, узбуджае ў судзе Еўрапейскага звяза пазоў супраць краін-чальцоў за парушэнне чалецкіх забавязанняў. У яе склад уваходзяць 27 камісараў, якія прызначаюцца адзінай дамовай урадаў краін-чальцоў на пяцігадовы тэрмін. У Камісіі павінен быць прынамсі адзін прадстаўнік з кожнай краіны-чальца. Чальцы Камісіі ў сваёй працы рэпрэзентуюць не сваю краіну, а ўвесь Еўрапейскі звяз. Усе прапановы ЕС павінны праходзіць праз Камісію. Прадстаўнікі Камісіі маюць права ўдзельнічаць у абмеркаванні прапановы ва ўсіх правамоцных органах ЕС.