Беларусы ў свеце

Юбілейная выстава Аб'яднання мастакоў-беларусаў Балтыі “Маю гонар”, прысвечаная 20-годдзю яго заснавання, адкрылася ў апошнія дні траўня ў Цэнтры культуры і народнага мастацтва Рыжскай думы “Ritums”. Аб'яднанне было заснавана 12 студзеня 1991 г. у Рызе. На ўстаноўчы з'езд у Рыгу прыехалі з Санкт-Пецярбурга Янка Чарнякевіч і Віктар Сівуха, з Эстоніі – Маргарыта Астравумава, а латвійскіх мастакоў-беларусаў прадстаўлялі Вячка Целеш, Ларыса Лойка, Мацей Чырыч і Валер Дзевіскіба. Тады ж старшынёй аб'яднання быў выбраны Вячка Целеш, а намеснікам – Маргарыта Астравумава.