Janowo (gm. Narew)

Пушчанскія лясы, першабытная прырода даліны ракі Нарвы і драўляная архітэктура вясковых сялібаў, сакральнага дойлідства, ствараюць непаўторны кравяід гміны. Багацце абрадаў па вёсках, народная беларуская гаворка, а таксама культурныя мерапрыемствы моцна падкрэсліваюць шматкультурнасць гміны і яе жыхароў. Янава – гэта даўняя вёска Бельскага стараства, заснаваная, праўдападобна, перад 1540 годам. Сёння да солтыства Янава належыць суседняя вёска Качалы. Абедзьве мясцовасці знаходзяцца ў заходняй частцы гміны. Невялікае Янава засяляюць няспоўна 50 асобаў, у Качалах толькі шасцёра жыхароў. Рэчка і маляўнічыя краявіды заахвочваюць да адпачынку на лоне прыроды, а навакольныя лясы запрашаюць ў грыбы. Напэўна кожны гарадскі жыхар пачуецца тут як у раі, тым больш, што тутэйшыя людзі вельмі шчырыя і гасцінныя.