Права на волю

10 чэрвеня падчас "Вроцслаўскага Глабальнага Форуму 2011" прэстыжную ўзнагароду атрымалі Праваабарончы Цэнтр "Вясна", Беларуская асацыяцыя журналістаў і "Свабодны тэатр". Старшыня Праваабарончага Цэнтру "Вясна" АлесьБяляцкі так пракаментаваў уганараваньне беларускіх няўрадавых арганізацыяў Прэміяй Свабоды, якую прысуджае Атлантычная рада ЗША: "У канцы мінулага году ўвага міжнароднай супольнасьці была прыцягнутая да падзеяў у Беларусі. Брутальны разгон мірнай дэманстрацыі, расправа з кандыдатамі ў прэзідэнты, грамадзкімі актывістамі – усё гэта, вядома, выклікала вялікае абурэньне. Таму яны вырашылі падтрымаць тры беларускія арганізацыі, сярод якіх і "Вясна". Нам гэта прыемна, таму што такім чынам адзначаецца актыўная праца арганізацыі, якая вядзецца апошнія пяць месяцаў."