Права на волю

Амаль на паўгода расьцягнуліся суды над удзельнікамі мірнай акцыі пратэсту супраць несправядлівых выбараў 19 сьнежня 2010, якіх абвінавацілі ва ўчыненьні "масавых беспарадкаў" на плошчы Незалежнасьці і спробе "штурму" Дому Ураду, што вылілася ў разьбітае шкло ва ўваходных дзьверах. За гэтыя паўгода ў эканамічнай сітуацыі Беларусі адбыліся менавіта такія зьмены да горшага, якія і прадказвалі незалежныя кандыдаты ў прэзідэнты, аналізуючы папулісцкую палітыку дзеючага кіраўніка дзяржавы, што ўзнамерыўся "павялічыць заробак" сярэднестастычнаму беларусу да 500 даляраў. Пра былую "стабільнасьць" засталіся толькі ўспаміны. Краіна патрапіла ў жорсткі эканамічны крызіс.