Узгорак

Цэны на паліва істотна выраслі з аўторка 24 мая. Аднак некалькі гадзінаў у Горках можна было заправіцца па старых коштах нават раніцай 24 мая. У Горках у дзень абвешчанага павышэння коштаў на бензін і дызель склалася цікавая сітуацыя. Адна запраўка прадавала паліва яшчэ па старых. Інфармаваныя ўладальнікі аўтамабіляў хутка зарыентаваліся. Ад раніцы некалькі гадзінаў на АЗС N20 “ИООО ТНК-БИПИ ЗАПАД” у Горках можна было заліць бакі па не павышаных пакуль што цэнах. Гэтая запраўка знаходзіцца каля гаргаза па вуліцы Міра, 67. На іншай жа горацкай АЗС №3, што належыць РУП «Магілёўнафтапрадукт», новыя кошты былі ўсталяваныя ад пачатку аўторка. На АЗС N20, што праўда, чарга з тых, хто запраўляўся па старых цэнах, не была вялікай і складала прыблізна 10 хвілінаў прастою.