Брылеўскі летапіс

Кажуць, што да любой справы патрэбен творчы падыход. А калі ты займаешся менавіта творчасцю, то звычайна гэта цяжкая і карпатлівая праца. Пра гэта вельмі добра ведаюць удзельнікі мастацкай самадзейнасці Брылёўскага сельскага Дома культуры, якія заўсёды з вялікім задавальненнем прыходзяць у гурткі на рэпетыцыі, робяць пэўныя крокі да вышынь творчасці, а потым на канцэртах паказваюць вынікі сваіх старанных пошукаў і набыткаў. І атрымліваюць за гэта апладысменты ад удзячных гледачоў.