Крывінка

Наша маленькая вёсачка ляжыць у трох кіляметрах ад аб’екта, які 13-га траўня наведаў прэзідэнт. А таму яна была ў цэнтры ўвагі мясцовай улады і службы аховы Лукашэнкі. Спачатку да нас завіталі высокія раённыя госці на чале з начальніцай ідэалагічнага аддзелу і мясцовым старшынёй сельсавета. Упершыню за апошнія 15 гадоў яны падрулілі да маёй хаты і захацелі пачуць ад мяне пра праблемы нашай вёскі. А самае галоўнае, што праз нейкі тыдзень, дакладнаў “дзень Х” на ранчыцкіх вымоінах і калдобінах ужо ляжалі грудкі цудоўнага шчэбню, якія потым разраўнялі, трохі засыпаўшы большыя яміны. Дзесятак гадоў пра тое ішла размова, і ўрэшце справа кранулася з мёртвай кропкі. Што ж, і на тым дзякуй.