Мёртвае дрэва

У зборніку “Мёртвае дрэва” сабраныя разам апавяданьні і аповесьць аўтарства беларускага пісьменьніка Міхася Южыка. Усе творы сабраныя пад вокладкай выданьня “Мёртвае дрэва” – прасякнутыя псыхалягічнасьцю, дынамічныя ў разьвіцьці сюжэтнай лініі ды напоўненыя хрысьціянскай маральлю. Аўтару ўдаецца перадаць сэнс быцьця ў простых, здавалася б, аповедах “з жыцьця”. У аповедах аўтар не раз прыбягае да аповеду ад першай асобы, тым самым Міхась Южык спрабуе перадаць чытачу сваё сьветаўспрыманьне, набліжаючыся да чытача, перадаючы свій боль смутак і радасьць на наш суд. Гэта найбольш заўважна ў апавяданьні, назву якога носіць увесь зборнік – “Мёртвае дрэва”. Але найбольш шырока і глыбока творчы геній аўтара раскрываецца ў аповесьці “Чую цябе”, у якой паказана студэнцкае жыцьцё беларускага студэнцтва ў апошнія чатыры гады гарбачоўскай перабудовы.