Беларус

Сумныя зьявы сучаснасьці. Здавалаея-б, што вольны дэмакратычны сьвет ужо досыць меў нагоды, каб належна ацаніць бальшавіцкі лад, пазнаць страшэнную небясыпеку маскоўскай тыраніі ды стаць на шлях станоўкага й бескампраміснага змаганьня зь ёю. Наглядаючы некаторыя зьявы, што маюць сусьветнае значаньне, з жалем трэба сьцьвердзіць, што якраз гэтае станоўкасьці змаганьня не стае. Відавочна, некаторыя палітыкі гатовыя ўважаць бальшавіцкі лад, за лад, абапёрты на пэўным праве, на пэўнай (канкрэтна: марсаўскай матэрыялістычнай) тэорыі. Ім, відаць, няясна, што сама марксаўская тэорыя паказала духовую галіту, у выніку якой на сьвеце мог-бы паўстаць стадны лад, нівэлюючы індывідуальныя праявы чалавечай натуры й набліжаючы чалавека да жывёлы.