Жыццё з літаратурай
навіны беларускай літаратуры, кантэкст, гутаркі, партрэты, міжнародныя сувязі, пляны
Аркуш Алесь
Месца выхаду: Беласток
Дата выхаду: 2010-06-17
Рэдактар: Аркуш Алесь
Выдавец: Беларускае Радыё Рацыя
Выдавецкая сэрыя: Жыццё з літаратурай
Катэгорыя: Радыёперадачы
Copyright © 2010 by Беларускае Радыё Рацыя
Кнігазбор: KAMUNIKAT — гэты сайт (электронны варыянт)
У перадачы пачуеце: у Менску адбыліся 18-ыя «Гарэцкія чытанні»; радыя Свабода выдала чарговую аўдыёкнігу Васіля Быкава; а таксама гутарку з літаратарам Андранікам Антанянам.
Беларускія аўтары: Аркуш Алесь
Выдаўцы і выдавецтвы: Беларускае Радыё Рацыя
Выдавецкія сэрыі: Жыццё з літаратурай
Каталёг: Kamunikat.org
У Менску адбыліся ўжо 18-ыя запар “Гарэцкія чытанні” – штогадовая навукова-літаратурная канферэнцыя, арганізаваная рэспубліканскім фондам братоў Гарэцкіх ды Інстытутам мовы і літаратуры Акадэміі навук Беларусі. У сёлетніх чытаннях узялі ўдзел больш трыццаці навукоўцаў, публіцыстаў ды літаратараў з усёй краіны, а распачалася імпрэза прэзентацыяй дакументальнага фільма пра братоў Гарэцкіх “Неразгаданыя людзі”. 
14 чэрвеня ў менскай галерэі "Ў"адбылася чарговая сустрэча з цыклу дыскусійнага праекта "Жаночы досвед у грамадстве і літаратуры". Дыскусійныя сустрэчы будуюцца вакол зборнікаў жаночай прозы "Жанчыны выходзяць з-пад кантролю" і "Пакахай мяне, калі ласка". У час гэтых сустрэч аўтаркі зборнікаў, чытачы і запрошаныя эксперты высвятляюць, ці ёсць нешта адметнае ў жаночым спосабе пісьма і бачанні свету. Гаворыць куратар гэтага праекту Аляксандра Дынько У гарадзенскім грамадскім музеі Васіля Быкава адбылася прэзентацыя аўдыёкнігі народнага пісьменніка Беларусі “Доўгая дарога дамому”. Кампакт-дыск выдала беларуская служба “Радыё Свабода” на падставе арыгінальных запісаў Васіля Быкава, зробленых ў Празе ў чэрвені 2002 году. Прэзентаваць аўдыёкнігу Васіля Быкава ў Гародню прыехаў аўтар праекту - дырэктар беларускай службы “Радыё Свабода” Аляксандр Лукашук Відавочна, цяжка падлічыць, колькі выйшла кніг народнага пісьменніка Беларусі Васіля Быкава, бо выходзілі яны па ўсім свеце, у перакладах на дзясяткі моваў. А вось ягоных аўдыёкніг пакуль не так шмат. Нядаўна выдадзены дыск з мемуарамі «Доўгая дарога дадому» усяго толькі другая аўдыёкніга пісьменніка. Працягваем знаёміць з аўдыёкнігай Васіля Быкава “Доўгая дарога дадому”. Паслухаем старонкі з першага разделу, чытае аўтар успамінаў – Васіль Быкаў.