Свой лад

Дзяды, сучасьнікі, нашчадкі... На Гарадзеншчыне заўсёды адзначаліся Дзяды. Тут людзі здаўна шанавалі гэтую традыцыю і сваіх продкаў. Кожны год, у першыя выходныя лістапада, наведаўшы храм, яны сьпяшаліся на могілкі. Там, запаліўшы зьнічку і ўк ленчыўшы ля магілаў памёршых сваякоў, сяброў, ці прост а знаёмых, асэнсоўвалі як іхнае, так і сваё жыцьцё. У цішы магільніка адбывалася нябачная повязь сучасьнікаў і продкаў, міжвольнае параўнаньне свайго жыцьця з жыцьцём тых, каго ўжо няма. На кагосьці з памершых хацелася б быць падобным, нечае існаваньне на гэтым сьвеце стала проста паказьнікам, як нельга жыць. Але ўспамінаць хацелася чамусьці толькі добрае.