Мой лён і сон

У зэльвенскую хату Ларысы Геніюш госці ехалі з усіх куткоў Беларусі. Але, трэба меркаваць, найбольш было іх напярэдадні навагодніх і калядных святаў. Заўжды пры сяброўскіх сустрэчах гучалі вершы Ларысы Антонаўны. Якія, нярэдка, гасцямі запісваліся і яны хадзілі ў рукапісах з рук у рукі. Вось і філолаг Ірына Багдановіч ніколі не сустракалася са славутай паэткай, але некаторыя яе вершы з маладосці мела ў сваім нататніку.