Белая Дама

Аповесць Аляксея Карпюка «Белая дама» - гэта, па-сутнасці, перасказаная нанова гісторыя, вычытаная ў старымм дзённіку, знойдзеным у схованцы манаскай кельі. Нераскрытыя злачынствы становяцца раскрытымі, сямейныя таямніцы – яўнымі, даўняя легенда, якая стагоддзямі абрастала ў неверагодныя падрабязнасці – ачысцілася з прыдумак і стала гісторыяй лёсу, лёсаў, аднае асобы і цэлага роду, а затым і цэлага народу. Тут і татарскі ясыр, і рыцарскія паводзіны нявольнікаў, якія страціўшы свабоду, не страцілі годнасць. Тут здрады і прабачэнні. Тут адлюстраванне нораваў і сітуацыяў. Другая аповесць, уключаная ў кнігу – «Рэквіем» - расказвае пра лёс разведчыка. Гісторыя жыхароў Гарадзеншчыны ў часы нямецкай акупацыі, паламаныя лёсы, здраджаныя ідэалы, без віны вінаватыя.