Права на волю

Каля ста чалавек узялі ўдзел у "Пікеце памяці", які прайшоў 29 кастрычніка ў Менску на прасьпекце Незалежнасьці насупраць будынку КДБ. Пікет арганізавалі актывісты ініцыятыўнай групы патэнцыйнага кандыдата ў прэзідэнты Рыгора Кастусёва. У акцыі, апрача Кастусёва, удзельнічалі таксама прэтэндэнты ў кандыдаты ў прэзідэнты Уладзімір Някляеў, АлесьМіхалевіч, Віталь Рымашэўскі і Мікола Статкевіч. Удзельнікі пікету трымалі ў руках сьвечкі, кветкі і бел-чырвона-белыя сьцягі з жалобнымі стужкамі. Пікет памяці праводзіўся ў Менску чацьвёрты год запар. Менавіта ў ноч з 29 на 30 кастрычніка 1937 году было расстраляна каля ста прадстаўнікоў беларускай інтэлігенцыі.