Кніганоша

Валянцін Акудовіч: «Знайсці свой жанр...» віншуем Вас з шаноўным юбілеем! Чулі, што Вы адзначылі яго незвычайным чынам. Ці не раскажаце чытачам «Кніганошы», як тое было? – Я люблю баляваць з сябрамі, але нават з сябрамі я не люблю баляваць пад прымусам, бо пачуваюся прык ра ад хоць якога гвалту. А юбілей – гэта свята пад прымусам круглай «как дурак» даты. Таму я і прыдумаў уцячы ад яго ў вандроўку на байдарках. Тым болей што мы ўжо шмат год з хаўрусам філосафаў, літаратараў, музыкаў кожнае лета вандруем па Беларусі. Гэтым разам абралі звяз з трох рэчак: Іслач, Заходняя Бярэзіна, Нёман. Натуральна, як і ў кожнай вандроўцы, хапала розных прыгодаў: былі і оверкілі (перакуленая байдарка), і залевы, і ўсялякія іншыя нечаканкі. Але пра ўсё гэта я распавядаць не буду, хай яно застанецца пры мне, як падарунак на дзень народзінаў.