Покліч Волі

Пара адпачынкаў. Лета для сённяшняга тутэйшага жыхарства – пара надзвычайная, звышчаканая. Але калі для адных–гэта пара адпачынку, фізічнай і эмацыйнай падпіткі, то для другіх – час напружагнай працы на ўласным лецішчы або дзеля да­датковага заробку ў іншым месцы ці нават у іншай краіне. Усе мы чакаем летняй пары, як нейкай цудадзейнай рэлаксацыі сонцам, морам, новымі ўражаннямі і эмоцыямі. Лета чака­юць, як збавення. Гэта пара спадзеваў на змены да лепшага. Гэта ці ні адзінае, да чаго беларусы маюць даволі блізкае стаўленне і з-за чаго яны не будуць асабліва спрачац­ца. Хаця зайдрасць да суседа, які прывёз з няблізкіх краёў нетутэйшы загар, нікуды не падзенецца, а пры пэўных умовах і настроі можа пасварыць нават блізкіх сяброў.