Права на волю

Несуцяшальныя вынікі. Пазітыўных зьменаў у галіне правоў чалавека ў Беларусі не адбываецца – канстатуюць праваабаронцы. На сустрэчы з журналістамі 8 чэрве­ня сябра Рады Праваабарончага цэн­тру "Вясна" Валянцін Стэфановіч і кіраўнік Беларускага Хельсінскага камітэту Алег Гулак падсумавалі вынікі перша­га паўгодзьдзя 2010 году ў галіне правоў чалавека і канстатавалі, што практычна ніякіх пазітыўных зьменаў у Беларусі за гэты час не адбылося. Паводле словаў Валянціна Стэфановіча, выключэньнем сталі зьмены ў Вы­барчае заканадаўства, якія, аднак, не паўплывалі на практыку правядзеньня выбараў (у дадзеным выпадку, мясцо­вых), што не былі прызнаны празрыстымі і дэмакратычнымі. Як адзначыў юрыст, станоўчым момантам можна назваць той факт, што з вышэйшых уладных структураў паступіла ўказаньне прыняць закон аб альтэрнатыўнай службе, у выніку чаго частко­ва прыпынілася практыка прыцягнень­ня да крымінальнай адказнасьці асобаў, якія адмаўляюцца служыць у войску з рэлігійных ці іншых перакананьняў.