Тут і цяпер (Свабода)

Ці пасварыцца Кіеў з Мінскам? Беларуска-ўкраінскія адносіны зведалі сур’ёзныя выпрабаванні. На днях газета «Коммерсант-Украіна» са спасылкай на крыніцы ў дыпламатычных колах паведаміла, што афіцыйны Мінск не аддае ратыфікацыйныя граматы і патрабуе ад Кіева выплаты 130 мільёнаў долараў дзяржаўнага доўгу, які лічыцца яшчэ з савецкіх часоў. Як сцвярджаюць украінскія сродкі масавай інфармацыі, у мінулым годзе ўжо былы прэзідэнт Віктар Юшчанка дамовіўся з Лукашэнкам аб афармленні беларуска-ўкраінскай мяжы. У абмен Лукашэнка запатрабаваў вярнуць 50 мільёнаў долараў савецкіх даўгоў. У выніку Кіеў пагадзіўся пастаўляць у Беларусь электраэнергію па заніжаным кошце, якую Мінск затым перапрадаваў бы ў Еўропу.