Крывінка

Пытанні без адказу. Тое, што падручнікі па гісторыі ў су­часнай Беларусі пішуцца па заказу ідэолагаў, вя­дома многім. Як і тое, што перапісваюцца яны амаль штогод. Як і тое, што яны вельмі тэндэнцый­ныя. Бо падзеі, якія да­тычацца ўзаемаадносін з Расеяй, паказваюцца там прыгладжана, каб не пакрыўдзіць магутную суседку. А многія падзеі тлумачацца зусім не так, як у цывілізаваным све­це. Узяць хаця б бальшавіцкі пераварот 1917-га года, калі ўлада трапіла ў рукі кучкі люд­зей, якія адмовіліся пе­радаць яе законным шляхам прадстаўнікам выбраных органаў. У Расеі гэта дата даўно не святкуецца. Добра вя­дома, чаго каштаваў ёй той пераварот. Беларусь – адзіная на постсавец­кай прасторы краіна, дзе 7-га лістапада – святоч­ны дзень. Усхваленне пе­равароту, названне яго “вялікім” – тыповая рыса нашых падручнікаў па гісторыі.