Свабода

Прэзыдэнту спадабалася "паказуха". У пятніцу 17 лютага прэзыдэнт Лукашэнка наведаў 5-ю асобную брыгаду войскаў спэцыяльнага прызначэньня, якая разьмяшчаецца ў Мар’інай Горцы, што недалёка ад Менска. У часы СССР гэтая брыгада лічылася элітнай баявой адзінкай. І выпадку вайны з Захадам ёй ставілася задача браць штурмам найважнейшыя аб’екты праціўніка. Кажуць, нібыта афіцэры гэтай брыгады езьдзілі нават у Бон, Парыж і іншыя заходнія сталіцы дзеля "арыенціроўкі на мясцовасьці".