Свабода

Мы стаміліся. Мы стаміліся ад дасягнутых пад кіраўніцтвам партыі велічных посьпехаў у ажыцьцяўленьні велічных ідэяў. Мы стаміліся ад нашых маштабных дасягненьняў у Харчовай праграме, пасьля якім есьці робіцца ўсё меней і меней. Мы стаміліся ад усенароднае барацьбы з п'янствам і алкагалізмам, у выніку якой на мейсцы вінаграднікаў пасадзілі бульбу і іншыя культуры, што там не растуць, айчынная самагонная тэхніка перасягнула японскіх стандартаў, а алкаголікі, выпіўшы ўсе ласьёны, ужо чакаюць нас у лепшым сьвеце.