Мой лён і сон

Побач з Міхасём Скоблам адным з галоўных папулярызатараў творчасці Ларысы Геніюш з’яўляецца паэт Сяргей Панізнік. Менавіта дзякуючы яму мы маем сёння запіс голасу Ларысы Антонаўны і менавіта Сяргей Панізнік мае ў сваім архіве шмат фотаздымкаў паэткі. Спадар Сяргей лічыць, што сёлета трэба выдаць зборнік вершаў прысвячэнняў Ларысе Геніюш, які ён ужо падрыхтаваў да друку, а таксама згадаць, што Ларыса Антонаўна шмат пісала для дзяцей. А фотаздымкі Ларысы Геніюш, якія Сяргей Панізнік рабіў у 60-70 гадах, плануецца паказаць на адмысловай фотавыставе сёлета восенню.