Узгорак

Не гуляйце пад дажджом. Менавіта з такой рэкамендацыяй выступаюць беларускія медыкі ў сувязі з актыўнасцю вулкана ў Ісландыі Навукоўцы раяць не толькі абмежаваць знаходжанне на адкрытым паветры ў час дажджу, але і не выкарыстоўваць дажджавую ваду ў гаспадарчых мэтах. – Магчыма, частка пылу будзе з ападкамі вымывацца на зямлю, таму мы рэкамендуем у бліжэйшы час абмежаваць знаходжанне на адкрытым паветры ў час дажджу і не выкарыстоўваць дажджавую ваду ў гаспадарчых мэтах, – перадае БелТА парады супрацоўнікаў Міністэрства аховы здароўя. Яшчэ вечарам мінулай пятніцы 16 красавіка айчынныя фізікі зарэгістравалі над краінай першыя сляды вулканічнага пылу на невялікай адлегласці ад зямлі – 7-8 км. Па сведчанні афіцыйных крыніцаў, канцэнтрацыя воблака была невысокая. Аднак ужо ў гэты аўторак вулкан пачаў новыя вывяржэнні. – З учорашняга дня вулкан вывергнуў новыя клубы попелу, якія хутка распаўсюджваюцца на поўдзень і на ўсход у бок Вялікабрытаніі...