Мой лён і сон

Да друку рыхтуецца новае самае поўнае выданне твораў Ларысы Геніюш. Укладальнік гэтага тома Міхась Скобла кажа, што выдадзенае на сёння – гэта толькі 10 адсоткаў ад усёй літаратурнай спадчыны паэткі, якая захавалася да нашых дзён. Нядаўна Міхась Скобла пазнаёміў беларускую літаратурную грамадскасць з 12-цю раней невядомымі вершамі Ларысы Геніюш. // БХД і аб’яднанне літаратараў-хрысціянаў “Дабравест” абвесціла паэтычны конкурс да 100-годдзя Ларысы Геніюш. Каардынатар праекту БХД “Пакаянне” Валерыя Чарнаморцава спадзяецца, што ў конкурсе возмуць удзел не толькі моладзь і студэнты, але і ўсе жадаючыя, з усіх рэгіёнаў краіны.