Божым Шляхам

Каляднае Пасланьне Я. Д. Біскупа Чэслава Сіповіча. Дарагія Браты і Сёстры! Хрыстос — Божае Слова — стаўся целам, стаўся чалавекам як кожны з нас. Цраз сваё ўцелаўленьне Ён зьяўляецца закладчыкам новай эры ў людзкой гісторыі. I чаму-ж мы маем прыпамінаць гэты факт кожнага году, а там, дзе ўладарыць запраўдная свабода, абходзіць сьвята Каляд вельмі ўрачыста пад гукі званоў, пры гарэньні. шматлікіх ахвяраваных сьвечак? Ува ўсім гэтым ёсьць вялікі сукрыты зьмест. Праз вонкавыя знакі г абрады мы выказваем асаблівую пашану да Хрыста і Яго навукі, безь якой — мы перакананы — няма сэнсу, а нават і магчымасьці інаваньня самога сьвету з усей яго красой і г. зв. прагрэсам. Хрыстос — фундамант і маралная апора сьвету. Сваё пасланьне Ён выявіў словамі: «Дадзена мне ўсякая ўлада на небе і на зямлі. Дык ідзеце і навучайце ўсе народы, хрысьцячы іх у імя Айца і Сына і Сьвятога Духа, навучаючы іх выпаўняць усё, што Я сказаў вам». (Мат. 28, 18—20).