Свой лад

Халоднае лета 2003 году. Час - гэта амаль што адзінае, над чым ня можа ўладаць чалавек. Эпоха зьмяняе эпоху, цывілізацыя - цывілізацыю, усё мае свой час. Ён плыве ў вечнасьці, паводле законаў дадзеных Створцам, і нішто ня можа ні запаволіць яго, ні прысьпешыць. Чалавек можа толькі выбраць, як скарыстаць гэты прамежак паміж нараджэньнем і сьмерцю, з чым пайсьці ў вечнасьць, і што пакінуць на зямлі па сабе. Сьмерць Васіля Быкав а яшчэ раз прымусіла задумацца над годнасьцю жыцьця, і цяпер ужо - прымусіла задумацца ўсю нацыю. Гэты Беларус, прыехаў ў апошнія дні свайго жыцьця на Бацькаўшчыну, каб паказаць, што ня толькі быцьцё сьмяротнага чалавека можа быць годным, але нават яго сьмерць.