Свой лад

Момант выбару. Старадаўная мудрасьць кажа, што нельга злавіць чорнага ката ўночы ў цёмным пакоі, з завязанымі вачыма, асабліва, калі яго там няма. Немажліва знайсьці праўду там, дзе яе ня можа быць у прынцыпе. А дзе павінен шукаць свой шлях народ, які зьбіўся з дарогі? Мо павучыцца ў заможнейшых суседзяў, а можа паверыць тым, хто сам сябе назваў яго збаўцамі, ці, можа, рухацца наўгад? А ці ня лепш было б зазірнуць у глыбінныя далечы гісторыі, ды паспрабаваць збудаваць будучыню на падмурках, якія стваралі тыя, каго даўно ўжо няма.