Брылеўскі летапіс

Планы і прыпіскі. Гартаючы старонкі газет. Мы помнім, як у часы СССР на вуліцах горда ўзвышаўся лозунг “Планы партыі - планы народа!” Тады ўсё наша жыццё падпарадкоўвалася планам, бо гэта была аснова сацыялістычнага ладу жыцця. І людзі ведалі, што калі бохан хлеба каштаваў 15 капеек, а літр малака 24 капейкі, то і праз пяць гадоў кошт гэты не зменіцца. Была адносная стабільнасць, была вера ў будучыню. Вядома, было і імкненне неяк упрыгожыць справаздачнасць. Але ж, калі прыпіскі выкрываліся, то гэта мела самыя сур’ёзныя наступствы з боку партыйных органаў. Знакамітае “Пакладзеш партбілет на стол!” вельмі стрымлівала занадта спрытных начальнікаў. Але часы мяняюцца.