Брылеўскі летапіс

Як у старыя добрыя часы. ачакаліся!.. Такой зімы, як сёлета, даўнавата не было ў нашых краях. Адразу ўспомнілася маё вясковае дзяцінства, калі снежныя гурбы клаліся аж да саламяных стрэх дзедавай хаты, і прыходзілася капаць амаль тунэлі, каб выбрацца на вуліцу. І заўсёды былі хваткія маразы, а белыя дымы з комінаў дружна падпіралі ранішняе неба. І ніхто нават і не думаў, што ў прыродзе ўсё можа павярнуцца так, што амаль да лютага не будзе снега (як гэта было, дарэчы, летась), а сярод навукоўцаў пачнуцца размовы пра глабальнае пацяпленне і пра тое, што на Беларусі ў хуткім часе паўсюдна закаласяцца бананы ды ананасы.