Гасцінец

Свята Канстытуцыі непатрэбна? У кожнай нармальнай краіне шануюць Асноўны Закон – Канстытуцыю, выдзеляючы дзеля гэтага святочны дзень. 15 сакавіка дзень беларускай Канстытуцыі на Беларусі праходзіць амаль незаўважна. У гэтым годзе, калі павінна быць адзначана яе 15-годдзе, кіраўнік краіны абмежаваўся дзяжурным вітаннем, а на месцах падзея засталася незаўважанай. На Віцебшчыне наогул, вырашылі зрабіць суботнікі і 14, і 15 сакавіка, выдзеліўшы гэтыя дні для старту(?) кампаніі Год роднай зямлі. Усе раённыя газеты напярэдадні дня Канстытуцыі надрукавалі зварот старшыні аблвыканкама А. Косінца з нагоды Года зямлі, а таксама невядомыя карэспандэнты раённых выданняў быццам бы ўзялі інтэрвью ў кіраўніка спраў аблвыканкама, а таксама ў начальніка ідэалагічнай працы аблвыканкама. Толькі невядома, хто з іх на якое пытанне адказваў? Чаму ж мясцовыя улады не шануюць дзень Канстытуцыі? Чаму гэты дзень не становіцца нагодай для прыцягненні ўвагі да праў чалавека, якія так шырока дэкларуюцца ў Канстытуцыі?