Гасцінец

Не страляйце ў піяніста. Пасля правядзення выбарчай кампаніі ў Палату стала заўважна пераразмерка­ванне сярод улады Беларусі. Палата ста­ла месцам заканчэння працоўных будняў для шматлікіх наменклатурных чыноў, што працавалі ў выканаўчай уладзе. Аднача­сова з гэтым, складанасці з Расіяй, якая не жадае далей плаціць за адны пацалункі, вымушаюць шукаць спрыяльных адносін з Захадам – Еўрапейскім Саюзам. Правёўшы выбарчую кампанію па завяд­зёнцы апошніх гадоў – мы самі выраша­ем каго і куды абіраць:самі створым камісіі і абвесцім вынікі “галасавання” – улады не адступілі ад сваіх прынцыпаў, а толькі зменшылі крымінальны і адміністратыўны ціск на апазіцыю ў час кампаніі. Гэтага ака­залася дастаткова, каб ЕС зрабіў першы крок на сустрач – спыніў на паўгады візавыя санкцыі супраць праўладных чыноўнікаў ( праўда, захавалі супраць старшыні ЦВК Яр­мошынай і асоб падазраваных у знікненні палітыкаў).