Мой лён і сон

Лейбл “Беларуская музычная альтэрнатыва” напачатку 21 стагоддзя заснаваў серыю «Беларускі Музычны Архіў». Серыя была распачата з мэтай захавання і выдання архіўных і рарытэтных запісаў, вяртання забытых імёнаў у беларускі музычны кантэкст. Асобна стаяць у серыі дыскі прысвечаныя паэтам Ларысе Геніюш і Сяргею Новіку-Пяюну, творчасць якіх натхніла шматлікіх беларускіх музыкаў на напісанне песняў. Пра тое, як паўставаў дыск Ларысы Геніюш «Жыць для Беларусі» распавядае кіраўнік лейбла БМАgroup Віталь Супрановіч. / Уладзімір Арлоў быў сярод тых пісьменнікаў, якія неаднаразова наведвалі Ларысу Геніюш у Зэльве. У сваёй кнізе “Імёны Свабоды” Арлоў напісаў, што Ларыса Геніюш для яго была тым чалавекам, без якой ён не стаў бы самім сабою. Уладзімір Арлоў прысутнічаў і на пахаванні паэткі ў Зельве ў 1983 годзе, прачытаўшы на яе магіле адмыслова з гэтай нагоды напісаны верш Сержука Сокалава-Воюша. Пра тое, кім была для Уладзіміра Арлова Ларыса Геніюш дазнаваўся Алесь Зайцаў: