Мой лён і сон

Многія беларускія грамадскія арганізацыі, рэдакцыі газет і часопісаў, радыёстанцыі запланавалі ў 2010 годзе правесці шэраг мерапрыемстваў у гонар паэткі Ларысы Геніюш, 100-годдзе якой сёлета адзначае Беларусь. Рыхтуюцца годна сустрэць гэты юбілей і беларускія выдавецтвы. У серыі “Бібліятэка Бацькаўшчыны - Гарадзенская бібліятэка” запланаваны зборнік выбраных твораў Ларысы Геніюш. Рыхтуецца да друку зборнік успамінаў пра славутую паэтку з Зэльвы. Пабачыць свет і зусім унікальная кніга - тэматычны бібліяграфічны альманах “Асоба і час”, які будзе цалкам прысвечаны Ларысе Геніюш. Мінскае выдавецтва “Галіяфы” не плануе выдання адмысловай кнігі да юбілею, затое мяркуе адзначыць 100-годдзе паэткі культурніцкай акцыяй у рамках літаратурнага фестывалю “Інтач”. (фота www.adradjency.narod.ru)