Жыццё з літаратурай
навіны беларускай літаратуры, кантэкст, гутаркі, партрэты, міжнародныя сувязі, пляны
Аркуш Алесь
Месца выхаду: Беласток
Дата выхаду: 2010-02-04
Рэдактар: Аркуш Алесь
Выдавец: Беларускае Радыё Рацыя
Выдавецкая сэрыя: Жыццё з літаратурай
Катэгорыя: Радыёперадачы
Copyright © 2010 by Беларускае Радыё Рацыя
Кнігазбор: KAMUNIKAT — гэты сайт (электронны варыянт)
У перадачы: у мінскім клубе “Лісіная нара” адбыўся вечар паэзіі і інтуітыўнай музыкі; беларускія паэты выступілі перад былымі вязнямі гета і канцлагераў; а таксама рэцэнзію на кнігу Віктара Казько “Бунт незапатрабаванага праху”.
Беларускія аўтары: Аркуш Алесь
Выдаўцы і выдавецтвы: Беларускае Радыё Рацыя
Выдавецкія сэрыі: Жыццё з літаратурай
Каталёг: Kamunikat.org
26 студзеня ў мінскім клубе “Лісіная нара” адбылася незвычайная літаратурна-музычная імпрэза пад назвай “Мышкін у паэтах”. Вядомы рок-гурт “Князь Мышкін” граў інтуітыўную музыку пад дэкламацыю вершаў паэтамі. Асаблівасцю гэтай вечарыны стаў выступ паэтаў Віктара Жыбуля і Веры Бурлак, якія падрыхтавалі паэтычную кампазіцыю «Ноч з днём пасярэдзіне», заснаваную на вершах і прозе беларускіх літаратараў 20-30-ых гадоў. 
28 студзеня адбыўся выступ паэтаў Валярыны Куставай і Усевалада Сцебуракі перад былымі вязнямі гета і канцлагераў. Пры падтрымцы кампаніі “Будзьма беларусамі!” сустрэча прайшла ў мінскай Гістарычнай майстэрні. Імпрэзу наведалі не толькі сябры клуба, а яшчэ і вольныя слухачы, аматары сучаснай беларускай літаратуры. Ініцыятаркай сустрэчы выступіла кіраўніца клуба “Традыцыя”Алеся Белановіч. 28 студзеня паэт Міхась Скобла і былая салістка гурта “Новае неба” Кася Камоцкая сустракаліся з вучнямі ў славутым дзіцячым летніку “Зубраня” на Нарачы і маладэчанскай школе №6 з ангельскім ухілам. Як распавёў Міхась Скобла, гаспадары адказна падрыхтаваліся да сустрэчы - у Нарачы вучні замовілі патрыятычную песню і спявалі яе разам стоя. Пачатак новага году адметны рознага кшталту падсумаваннямі і будаваннем планаў на год наступіўшы. Сваімі разважаннямі аб тым, як прайшоў 2009-ты год для Саюза пісьменнікаў Беларусі, а таксама планамі на будучыню, дзеліцца намеснік старшыні Саюзу Эдуард Акулін. Віктар Казько нарадзіўся 23 красавіка 1940 года ў горадзе Калінкавічы Гомельскай вобласці. Пасля вайны застаўся сіратой, выхоўваўся ў вільчанскім і хойніцкім дзіцячых дамах на Палессі. У 1956 годзе, пасля заканчэння васьмі класаў, ён з’ехаў у Кузбас – так пачаўся яго няпросты працоўны шлях. Працаваў на шахце, у геолагаразведцы праходчыкам. З 1962 года мяняе прафесію і робіцца журналістам. У 1970-ым скончыў завочна Літаратурны інстытут у Маскве. З 1971-га жыве ў Менску. Аўтар шматлікіх кніг. У мінулым годзе Працягваем знаёміць з кніга Віктара Казько “Бунт незапатрабаванага праху”. Урывак з кнігі чытае Яна Запольская.