Права на волю, № 3 (264) 2010

Права на волю

Праваабарончы бюлетэнь

№ 3 (264) 2010

Дата выхаду: 2010-02

Выдавец: Праваабарончы цэнтр Вясна

Copyright © 2010 Праваабарончы Цэнтр Вясна

Кнігазбор: KAMUNIKAT — гэты сайт (электронны варыянт)

"Рэгрэс" у стасунках Еўрасаюзу з Беларусьсю. Вярхоўны прадстаўнік ЕС па замежных справах і палітыцы бясьпекі віцэ-прэзідэнт Еўракамісіі Кэтрын Эштан заявіла, што адносіны паміж Беларусьсю і Еўрасаюзам разьвіваюцца ў адмоўным накірунку. Пра гэта, на яе думку, сьведчыць канфлікт паміж Беларусьсю і Польшчай, выкліканы арыштамі прадстаўнікоў польскай меншасьці, паведамляе "БДГ" са спасылкай на польскія СМІ."Арышт прадстаўнікоў Саюзу палякаў Беларусі сьведчыць пра эскалацыю дзеяньняў супраць польскай меншасьці, і таксама пра рэгрэс у стасунках паміж ЕС і Беларусьсю", – прыводзяць польскія СМІ заяву Лютца Гельнера, прадстаўніка віцэ-прэзідэнта Еўракамісіі Кэтрын Эштан. Ад імя віцэ-прэзідэнта Еўракамісіі ён выказаў надзею, штоБеларусь будзе выконваць абавязальніцтвы, узятыя ў межах АБСЕ. "Мы спадзяемся, што Беларусь будзе выконваць абавязальніцтвы, узятыя перад Арганізацыяй па бясьпецы і супрацоўніцтве ў Еўропе, датычныя правоў нацыянальных меншасьцяў", – заявіў прадстаўнік Кэтрын Эштан.Прадстаўнік віцэ-прэзідэнта Еўракамісіі заклікаў беларускія ўлады правесьці дэмакратычныя рэформы: "Мы заклікаем Беларусь ажыцьцявіць гэтак неабходныя дэмакратычныя рэформы, каб Беларусь магла ў поўнай меры скарыстацца з Еўрапейскай палітыкі добрасуседзтва. Мы будзем уважліва сачыць за разьвіцьцём падзеяў у Беларусі", – падкрэсьліў Лютц Гельнер.

Выдаўцы і выдавецтвы: Праваабарончы цэнтр Вясна

Каталёг: Kamunikat.org

Пэрыёдыка: Права на волю

Глядзець/ спампаваць гэты разьдзел/ артыкул... Увесь нумар у адным файле