Крывія

За крыж памяці - пад суд. У Вялейцы за крыж у гонар Расьціслава Лапіцкага мясцовых актывістаў будуць судзіць. Улады раёну маюць намер прыцягнуць да адказнасьці сябру Сойму Партыі БНФ Аляксея Сюдака, актывіста фронту Алеся Наркевіча ды чальца Аб’яднанай грамадзянскай партыі Уладзіміра Малярчука. Гісторыя пачалася з таго, што 1 верасьня група актывістаў вырашыла ўсталяваць памятны крыж на месцы расстрэлу супрацоўнікамі НКВД у 1950 годзе антысавецкага падпольшчыка Расьціслава Лапіцкага, якому ў часе суду было прапанавана адрачыся ад дзейнасьці і застацца ў жывых, але хлопец пайшоў у сваіх перакананьнях да канца. Прыкладна такі ж лёс напаткаў і крыж у гонар дысідэнта.