Вольная Бярозаўка

Эўрафорум адбыўся. 14 лістапада ў Менску, ў ДК МАЗа, адбыўся Беларускі Эўрапейскі форум. Мерапрыемства было задуманае як пляцоўка для абмеркаваньня розных поглядаў на супрацоўніцтва з Эўропай. У форуме ўдзельнічалі больш за 800 дэлегатаў з усіх рэгіёнаў Беларусі і больш за 200 гасьцей, у тым ліку і замежных: з Польшчы, Германіі, Францыі, Латвіі, Расеі. Падчас Форуму абмяркоўваліся розныя шляхі разьвіцьця Беларусі ў палітычным, эканамічным, грамадзкім плане. Арганізатарамі мерапрыемства выступілі 8 дэмакратычных арганізацыяў Беларусі, старшынём аргкамітэту быў абраны Аляксандар Мілінкевіч. У форуме ўдзельнічалі таксама і дэлегаты ад Бярозаўкі.